
Gin-anunsyo ni Sugar Regulatory Administrator Pablo Luis Azcona ang pag-suspend sang Sugar Order no 6 nga may kaangtanan sa pagpatuman sang pagsulundan sa pag-import sang certain sugars and sugar confectionery. Ini pending sang natalana nga consultation kaupod ang katapo sang sugar industry.
Gindugang ni Azcona nga sa ginpatigayon nga board meeting sang Enero 23, napalab-ot ang pagkabalaka sang mga stakeholders angut sa processing delays kag associated costs sang compliance. Sa record sang SRA, linibo ang gina-proseso nga sugar-related import clearances kada tuig humalin sang 2017.
Pero ginklaro ni Azcona nga humalin sadto wala sila sang na-report nga delay ukon disruption sa business operation. Ginpaathag niya nga tuyo sang Sugar Order no 6 nga makakuha sang accurate data para sa sugar farmers kag konsumedor.