Shadow

Road closure sa Fr. Ferrero Street aprubado na sang konseho

Tuyo sang Bacolod LGU nga mag-install sang mga tents sa Fr. Ferrero Street karon nga nagsugod na operate ang temporary nga Manokan sa parking area sang SM City Bacolod.

Ang mga tents ang magaserbe nga extension sang baligyaan sang mga tenants sa tion nga kudalan na sang SM Prime Holdings Incorporated ang Manokan Country para masuguran ang demolisyon. Kahapon gin-aprobahan na sang Sangguniang Panlungsod ang road closure sa Fr. Ferrero Street nga magalawig asta Pebrero 14.

Ginsiling ni Secretary to the Mayor Atty. Jose Marty Go nga may mga plano na para mapalawig pa ang pagpatuman sang road closure sa tion nga magsugod ang demolisyon kag construction sang development project sang Manokan. Pero ini ang ipaagi na sa isa ka ordinansa.

Ginpahayag ni Councilor Celia Flor pamuno sang committee on Markets and Slaughterhouse nga kabahin sa ginaplano ang pagtukod sang night market sa reclamation area.

Secured By miniOrangeSecured By miniOrange