Shadow

Mga units sa apat ka Yuhum Housing buildings sa Brgy Vista Alegre ang may nagapanag-iya na

Apat na tanan ka mga Yuhum Housing Buildings sa Barangay Vista Alegre ang na-take out, construction sang 21 pa ka building ginpaabot ni Mayor Albee Benitez nga matapos sa madasun nga tuig.

Magluwas sa nauna nga Yuhum Housing Building nga na-turn over sa 64 ka mga housing beneficiaries, ginsiling ni Benitez nga na-take out na kag natalana iga-award ang tatlo pa ka mga gina-construct nga housing buildings sa mga benepisyaryo sang Arao Yuhum Village sa Barangay Vista Alegre.

Gindugang sang alkalde nga may yara pa sang dugang nga 900 ka mga aplikante nga interesado sa housing program sa idalom sang 4PH housing program ni Presidente Ferdinand Marcos Jr. Gani ginhinyo na sang alkalde ang developer sang proyekto nga padasigon ang construction sang dugang nga 21 pa ka mga housing buildings sa lugar sa tuyo nga matapos ini kag ma-turnover sa madasun nga tuig. Paagi sa Department of Human Settlement and Urban Development upod sa Bacolod LGU kag Pag-ibig kapin sa 10,000 housing units ang iga-construct sa 25 ka mga buildings sa Arao Yuhum Village.

Secured By miniOrangeSecured By miniOrange