Shadow

Senior citizen patay, utod pilason sa pagpanglabo sang ila man utod

Kabankalan PNP photo

Patay ang 72 anyos nga si Elisa Tabujara samtang pilason naman ang iya 55 anyos nga manghod nga si Herman Nabaja matapos sila labuon sang ila utod nga may diperensya sa pamensaron sang Martes sa Barangay Tapi sa Kabankalan.

Sa imbestigasyon sang Kabankalan PNP, gulpi lang nga gin sulod sang suspek ang iya magulang nga si Tabujara sa iya sini puluy-an kag gilayon nga gin labo labo.

Naka singgit pa para mangayo sang bulig ang biktima sa iya isa ka utod ugaling pag sulod ni Nabaja, gina labo man ini sang sang suspek.

Padayon karon gina bulong si Nabaja nga may mga pilas dala sang pag labo.

Wala man sang may gin awayan ang mag ulutod suno sa pulis ugaling naka sugid ang pamilya nga wala na maka inom sang iya nga bulong ang suspek kag wala ka tulog sa sulod sang duha na ka adlaw
Amo nga posible nangin bayolante ini bangud nga may diperensya sa pamensaron.

Secured By miniOrangeSecured By miniOrange