Shadow

Alex Lacson magaduso sang liwat nga pagbalik sang NIR

Negrense senatorial aspirant Alex Lacson ang maga bulig duso balik sang Negros Island Region.

Nagapati si Lacson nga taga Kabankalan City nga mapuslanon sa mga Negrosanon ang one island region gani kun mahatagan sang higayon sa senado iya nga iga duso ini.

Wala labot diri, isa man sa iya luyag nga tutukan amo ang bulig para sa industriya sang kalamay.

Isa diri amo ang paghatag sang bulig sa bahin sa plano kun paano magamit ang pondo gikan sa sida ukon ang Sugarcane Industry Development Act.

May 2 billion pesos nga pondo para diri ugaling bangud nga wala magamit kay basi wala lang ma planohan suno kay Lacson ginpanubuan ang pondo.

Ang 2 billion pesos sa karon nga pondo ang 67 million pesos na lang. Pero kun ma plastar sarang sa gihapon magamit ang dos bilyones pesos nga pondo suno kay Lacson.

Ang senatorial aspirant ang kabahin sa grupo ni VP Leni Robredo kag Senator Francis Pangilinan nga gina paabot maga bisita sa probinsya bwas nga adlaw.

Pila ka mga lokal nga opisyales ang nagpabutyag sang suporta kay Lacson. Suno sa iya nagpabutyag sang bulig si Governor Eugenio Jose Lacson.

Leave a Reply

Your email address will not be published. Required fields are marked *

Secured By miniOrangeSecured By miniOrange