Shadow

Pulis ipahamtang sa quarantine facility matapos may naka palagyo nga mga Covid positive

Bangud sang pagnubo sang Covid-19 cases, madiutay na lang ang yara sa mga isolation facility sang siudad.

Gani halin sa dise nuebe ka isolation facility may onse na lang ang nabilin nga pasilidad sang Bacolod para sa mga naga-isolate nga Covid-19 positive.

Pero bisan pa nga napasirad-an na ang walo sa dise nuebe ka mga isolation facility, naghinyo na si Mayor Evelio Leonardia sang dugang nga police security personnel halin sa Bacolod City Police Office agud mabantayan ang mga pasilidad kag mapaiway ang liwat nga pagpalagyo sang mga Covid- 19 positive.

Nag-gwa sa record sang EOC nga sang octubre 30, isa ka 40 anyos nga covid 19 positive ang nalagyo tubtob nga nasapwan na lamang siya nga patay sa kilid sang baybay sa barangay pahanocoy sang martes.
Nag- gwa sa pagpang-usisa sang katapo sang police station 8 nga nalumos ang naghikog nga persona bangud sang depression samtang yara sa isolation facility.

Sang Nobyembre isa man ka 37 anyos nga covid 19 positive ang nag palagyo sa isolation facility sa Barangay Bata.

Siya ang nabalik na sa pasilidad kag gin-pa blotter na sa pulis ang insidente.

Leave a Reply

Your email address will not be published. Required fields are marked *

Secured By miniOrangeSecured By miniOrange