Shadow

RT-PCR test ukon antigen test pwede na para sa mapauli sa Negros Occidental, pwede man libre nga antigen test sa pag abot na sa probinsya

Bag-o nga travel guidelines ang nalakip sa bag-o nga Executive Order ni Negros Occidental Governor Eugenio Jose Lacson.

Si Lacson ang nag pa gwa sang EO sa pag paidalom sang probinsya sa Alert Level 3 tubtob Pebrero 15.

Sa mga maga padulong sa probinsya gikan sa Manila suno kay Lacson, ang pasahero pwede nga mag present sang negative RT PCR test ukon Rapid Antigen Test (RAT) result.

Ang negative RT PCR test result valid sa sulod sang 72 hours humalin sang gin patiayon ang swab sample extraction. Ang RAT naman valid sa 48 hours humalin sang ginpatuman ini sang isa ka DOH accredited clinic ukon laboratory.

Suno kay Lacson, kun indi makasarang ang pasahero sang ano man nga test ukon may kabudlayan sa pagkuha sini, pwede nga sa ila na nga pag-abot sa airport ukon sa pwerto sila mag pa test.

Suno sa gobernador, ila lang nga iga indicate ini sa ila nga pag apply sang SPass.

Libre nga ipaidalom sila sang probinsya sa RAT sa ila nga pag-abot.

Napaidalom man sa Alert Level 2 ang NCR, pero luyag sang gobernador nga mapabilin ang amo nga protocol.

“They can choose either of the two tests (RT-PCR, rapid antigen test). They can secure that at the port of origin, or if not, manifest that upon arrival at the airport or seaport they are willing to be tested. I’d just like to continue to observe the real status, especially in the National Capital Region, there are also other provinces that are common areas, like Laguna and Batangas, they are still under Alert Level 3. I prefer to keep this protocol and let us just observe what happens next in the National Captial Region”, suno kay Lacson.

Secured By miniOrangeSecured By miniOrange