Business sector ang naga kabalaka sa pagsaka sang presyo sang mga balaklon.
Suno kay Frank Carbon, ang Chief Executive Officer sang Metro Bacolod Chamber of Commerce and Industry, luyag nila nga matutukan ang presyo sang mga balaklon karon.
Wala labot sang na obserbahan sa saka sa bili sang mga balaklon sa merkado, halos wala untat man saka ang presyo sang produkto petrolyo.
Sa martes natalana magsaka sa 75 sentimos ang litro sang gasolina kag diesel kag ini ang ika lima na nga semana nga sunod-sunod nga saka.
Suno kay Carbon ini man ang gina lantaw isa sa mga rason nga naga apekto sang presyo sang mga balaklon.
Dugang pa niya, sa iya nga pagsugilanon kay Provincial DILG director Roselyn Quintana, ang DILG ang maga kuha sang baseline data bahin sa presyo sang mga balaklon.
Ini para mapat-od ang presyo sa mga merkado.
Depende sa mangin resulta, suno kay Carbon, sarang ma hinyo sa mga LGU nga iga activate ang tagsa nila ka Local Price coordintating council sa mga indi pa activated.
Sa ini nga pamaagi ma monitor ang compliance sa gina patuman nga Suggested Retail Price.
“She (quintana) might request all DILG to activate all the Price Coordinating Council and report on regular basis the prices in the market vis-à-vis sang SRP, suggested retail price, sang DA kag DTA, para makita if they’re still within that SRP. Plus kun may ara ang ina nga LGU price freeze ordinance, on certain food items and essential amo man i-match man nila da sa price freeze ordinance. Para bilang enforcement na gid. monitoring and enforcing the law”, suno kay Carbon.