Shadow

Geolingo: Ang ginkakas nga posters yara na sa mga mga poste natakod amo kun ngaa ginkakas

YouTube player

Nangin masako ang pagpangakas sang mga campaign materials sang City Legal Enforcement Team kag Task Force Disiplina kaupod ang Bacolod City PNP sa pila ka mga barangay sang weekend.

Bisan ang streamer sang mga kandidato sang asenso bacolod nga natungtong sa arko sang city Heights Subdivision ang wala makaluwas.

Gani ginkwestyon man ni vice mayoralty candidate Atty Ceasar Distrito kun ngaa makaduha na ini ka beses nga ginhimu sang siudad sa ila campaign materials nga may pahanugot man sang homeowners sang subdivision.

Sa iya nga Facebook page, ginsiling pa ni distrito nga dapat kuntani mangin patas man ang siudad sa pagpangakas ilabi na nga may mga tarp man sang “Halong bacolod” Nga yara natapik sa mga poste nga wala pa makakas.

Sa Barangay 12, ginkakas man sang enforcement team ang mga campaign materials nga nagatapik sa malapad nga daan nga billboard.

Paathag ni Wilfredo Geolingo, pamuno sang task force disiplina, paglapas sa city ordinance ang pagpamutang sang mga posters sa mga poste, linya sang kuryente kun diin naka-angot ang mga poster sang asenso Bacolod nga ila ginbaklas.

Dapat man suno sa iya nga may permit gikan sa siudad ang pagpamutang sini.

Indi pa maka-akto ang Commission on Elections sa mga illegally posted campaign materials samtang wala pa nagsugod ang campaign period.

Pero karon nga ginsugdan naman sang siudad ang pagpangakas sang mga campaign materials.

Secured By miniOrangeSecured By miniOrange