Handa na ang tanan para sa Panaad sa Negros Festival. Kapamilya Karavan ginapaabot man sa amo nga kahiwatan.
Ginpatigayon na kaina ang final coordinating meeting upod sa nagkalain-lain nga ahensya kag committees para 29th Panaad sa Negros Festival.
Pila sa nalakip nga nagtambong ang katapo sang Philippine National Police, Disaster teams kag iban pa.
Suno kay Charina Magallanes Tan ang festival director, ang Pinoy Big Brother Big Four upod sa ASAP ang palaabuton sa Kapamilya Karavan sa Marso 29.
Dugang pa niya maga perform gikan sa ASAP amo sanday Martin Nievera, Zsazsa Padilla, Angeline Quinto kag Regine Velasquez.
Ini ang pinaka una nga tion nga mag perform ang ASAP sagwa sang studio suno sa ABS CBN. Maga perform man ang Parokya ni Edgar sa Domingo suno kay Magallanes-Tan.
Damlag pa gin announce na sang Panaad sa Negros nga yara man ang mga celebrities nga kanday Janella Salvador, Rico Blanco kag Moira.
Marso 24 magabukas ang Panaad sa Negros Festival kag magalawig tubtob Marso 30.
“According to ABS CBN Management this is the first time ASAP will be out of the studio. Ang performers ta sa ASAP are Martin Nievera, ZsaZsa Padilla, Angeline Quinto and Regine Velasquez. So although previously naga perform man ni sila ya outside ABS CBN, but not as ASAP. This is the first local government unit nga festival nga ASAP ang sa Kapamilya Karavan”, suno kay Magallanes-Tan.