Kakulang sang insakto nga impormasyon sa kahimtangan sang Legislative Building ang suno kay Councilor Al Espino nagduso sa SP nga indi pag aprubahan ang resolution ni Councilor Homer Bais
Pre mature para mag haumhaum nga may indi amo nga natabo.
Amo sini ang paathag ni Councilor Al Espino tuhoy sa indi pag apruba sang Sangguniang Panlungsod sang resolution nga ginduso ni Councilor Homer Bais nga mag request sa Commission on Audit nga ipatuman ang special fraud audit sa Legislative Building.
Suno kay Espino, indi man pwede nga magpatuman sang fraud audit bangud wala paman sang pamatuod nga may anomaliya sa proyekto.
Kulang paman sa impormasyon ang SP suno sa iya may angut sa technicalities sang proyekto kag ang City Engineer's Office kag ang mga contractors lamang ang makasabat sini.
Wala man kapasidad ang SP agud magsiling nga fraudulent ang proyekto suno sa konsehal.
Matapos nga gindikusyonan sang SP ang nasambit nga resolution, gilayon man nga nagsugot si Bais nga kakason ang tinaga nga "fraud" sa resolution, apang wala ini sa gihapon gin-aprubahan sang SP.
Ginaduso ni Espino sa Team Asenso nga mahatagan sang consequence si Bais bangud sa iya mga ginahimo sa ila nga grupo.
[sibwp_form id=1]