Ang Provincial Disaster Risk Reduction Management Council Emergency Operations Center ang yara karon sa Blue Alert Status para sa Undas.
Ginsiling ni Irene Bel Ploteña, ang PDRRM Officer sang Negros Occidental, sa Blue Alert Status para sa Undas, naga kasayuran nga ang 24/7 Emergency Operations Center ang na activate. Ang mga response teams kag detailed duty officers ang naka standby. Ang mga resources naka preposition naman.
Dugang pa niya may yara sang close coordination ang mga partner agencies kag iban pa gid nga mga talatapan. Heightened ang monitoring.
May pahanumdom man ang PDRRMO sa tagsa ka pagbiya sang puluy-an. Wala labot nga ipasiguro nga naka lock, ipasiguro nga wala sang mga appliances nga naga pabilin nakasaksak sa kuryente upod na ang safety man sang mga LPG para malikaw sa sunog.
Sa mga maga padulong sa patyo, mag dala sang tubig para hydration, indi man pag kalipatan ang mga maintenance medicine. Base sa forecast may mga lugar nga maka eksperiensya sang pag tupa sang ulan gani maayo nga mag dala sang payong bilang pangaman. Mag gamit sang kumportable nga mga bayo.
Sa mga maga drive, likawan ang pag inom sang makahulubog nga ilimnon.
“May mga teams ang aton nga mga LGU together with our 911 nga naka preposition sa mga cemeteries. Likewise ang aton nga peace and order, kag ang aton nga BFP naka standby man sila enkaso may mga emergencies likewise aton nga LGUs naka preposition man sila enkaso nga may emergencies sa dalan during this time,” suno kay Ploteña.
[sibwp_form id=1]