Duha ka mga rice mill ang gin turn-over sang probinsya sang Negros Occidental sa FIACN-BRIS Rice Processing Center.
Tuyo sang probinsya nga mas mapabakod ang suporta sini sa mga local farmers kag mas mapaayo pa gid ang rice production lakip na ang processing capabilities.
Sini lamang gin hatagan sang probinsya ang Federation of Irrigator’s Association of Central Negros – Bago River Irrigation System Rice Processing Center sang duha ka mga units sang rice mill.
Ginsiling ni Provincial Administrator, Rayfrando Diaz, nga ang dugang nga equipment ang maga hatag sang higayon sa mga mangunguma nga maka access sa modern nga milling facilities.
Mas makumpleto ang stages sang rice production process gikan sa certified seed production, pag tanum, padulong sa cultivation pag ani kag galing.
Sa tion nga mangin fully operational ang mga natungdan nga rice mill ang paga gamiton sa commercial palay.
Samtang ang rice processing center sang Office of the Provincial Agriculturist sa Tabunan sa Bago ang gamitong sa pag galing sang organic rice para malikawan ang cross contamination.
Labing gina pasalamatan ni Pedro Limpangog ang presidente sang FIACN BRIS ang tikang sang probinsya nga makabulig suno sa iya sa mga mangunguma.
“Indi lang na siya rice mill, may ara dira dryer man. Maga operate ina, maka bulig ina sa pag uga sang aton humay especially na gid sang tiempo sang tig ululan. Ang kabudlayan sang aton mangunguma kun diin bala sila mag pamala sang ila humay. Ika duha ang mga mangunguma dira indi na man mabudlayan mag pa galing sang ila nga humay – sa negosyo, sa commercial man ukon sa sila nga corporate social responsilibility, pareho abi sang Bigasan ng Bayan, damo gid na purpose sa ulihi”, suno kay Limpangog.
[sibwp_form id=1]