Makita ang malapad ang madalom nga buho sa ini nga drainage sa Purok Kahirup sa Barangay Mansilingan, Bacolod City matapos nga na ab-ab ang duta sa kilid sini.
Ang padayon nga pagtupa sang ulan ang ginatudlo nga kabangdanan sang Disaster Risk Reduction and Management Office ukon DRRMO sang amat-amat man nga pagkatiphag sang duta.
Ginsiling ni Dr. Anna Maria Laarni Pornan, pamuno aang DRRMO nga temporaryo anay nga ginpasirad-an sang Bacolod City Engineer’s Office ang porsyon sang amo nga dalan.
Pagklaro niya, indi ini sink hole kag posible madugay na nga naga-amat amat ab-ab ang duta sa kilid sang drainage bangud sa padayon nga pag ulan.
Mga light vehicles lamang ang ginatugutan nga maglabay sa amo nga bahin sang dalan samtang indi pa ini makaayo sang CEO bangud sa ulan.
Gin-cordone sang otoridad ang naab-ab nga porsyon sang drainage agud malikawan ang posibli nga aksidente.
Wala man sang may na report nga may nahulog sa amo nga drainage suno kay Pornan.
[sibwp_form id=1]