Napilpilan sang dako nga bato ang isa ka babaye rason sang iya kamatayon sa Barangay Jandalamanon, Ayungon sa Negros Oriental, Miyerkules sang hapon.
Suno sa opisyal sang barangay, naghulam si alyas “Bel”, 53-anyos sang mga gamit nga iya pagagamiton sa pagkutkot sang duta, matapos siya ang ginhambalan sang iya paryente nga isa ka sinyales ang bato sa ginahamtangan sang bulawan kag iban pa nga treasures.
Nagsugod sa pagkutkot si alyas “Bel” malapit sa dako nga bato kag matapos ang pila ka minutos, didto na naghulag ang bato kag nagligid pakadto sa iya.
Nagbinuligay ang mga nagresponde nga katapo sang Local Disaster Risk Reduction Management Office sang Ayungon kag mga pumuluyo agud ma-alsa ang bato.
Apang bangud sa kabug-aton sang bato, naglab-ot sa kapin tatlo ka oras antes nakuha ang lawas sang biktima.
[sibwp_form id=1]