Nagdangat na sa walo ka mga baboy sa Bacolod City ang nagpositibo sa African Swine Fever suno sa City Veterinary Office.
Nadugangan sang tatlo ka kaso sang ASF sa siudad matapos nga nagpositibo sa amo nga balatian ang duha ka baboy sa Barangay Bata samtang may isa naman sa Barangay Granada.
Sandig sa record sang CVO, apat na ka Barangay sa siudad ang may positibo nga kaso sang ASF.
Duha ka baboy sa Barangay Alijis kag duha man sa Barangay Taculing ang pinakauna nga na report nga positibo nga kaso sang ASF sini nga tuig.
May isa pa gid ka baboy sa slaughterhouse ang nagpositibo man sa ASF.
Tanan nga mga nasambit nga baboy nga nagpositibo sa ASF ang tigayon naman nga nagkalamatay.
Ginahaylo sang CVO ang mga hog raisers nga pasangkaron ang ila nga biosecurity measures kag i-report gilayon sa otoridad kun nagamasakit ang ila mga baboy.
Padayon man ang pag disinfect sang CVO sa mga lugar nga may ara na sang positibo nga kaso sang amo nga balatian agud mapa hagan-hagan ang paglapta sini.
[sibwp_form id=1]