Shadow

PNP naga paandam batuk sa bag-o nga modus sang naga patughong kag wala naga bayad

Nagalapta karon sa social media ining video sang paglagas sang isa ka empleyado sang gas station sa car owner nga gin alegar ginpalagyuhan ang iya balayran sa ginapatughungan nga gasolinahan sa Burgos Extension sa Bacolod sang nagligad nga Setyembre 10.

Istorya sang empleyado bag o lang niya napa blotter ang insidente sa Police Station 4 matapos ginbinlan siya sang iya nangin customer sang credit card nga gin decline sang banko.

Masiplatan niya ang salakyan gani iya ginlagas tubtob nga nakuha ang bayad.

Blacklisted na sa pila ka mga gas station ang amo nga persona.

Pero sa pagpang usisa sang PNP, indi lang siya ang may kasubong nga modus nga nagapangbiktima sa mga gas station.

Sang Dominggo sang kaagahon, isa man ka wala makilal an nga drayber sang grey nga toyota innova ang nag patughong sang produkto petrolyo sa isa ka gas station sa cl montelibano.

Sa kuha sang CCTV, makit an ang tatlo pa ka mga containers nga ginpatughungan sang suspek.

Istorya sang tagdumalahan sang gas station nga ginpapanaug sang lalaki ang duha pa ka mga container para matughungan. Sang masako ang pumpboy, didto na kag nalagyo ang amo nga customer bitbit ang 100 litros sang krudo.

Isa pa ka gas station sa Buri Road sa Barangay Mandalagan ang iya nabiktima kag nakuhaan man sang kapin 100 liters sang produkto petrolyo.

Suno kay police Major Ritchee Gohee, commander sang Police Station 4, indi pa nila mapat ud ang tag iya sang grey nga Innova bangud natakpan sang facemask ang plaka sang amo nga salakyan.

Magluwas sa paghatag sang paandam ginahinyo man sang kapulisan ang management sang mga nabiktima nga gas station nga makig angut sa ila sa pagfile sang kaso.

Secured By miniOrangeSecured By miniOrange