Shadow

Paghatag sang subsidy kag pagbantay sa fertilizer smuggling pila sa mga gina duso para sa pagmahal sang abono

Halin sa tag 800 pesos nga presyo sang kada sako sang abono nagalab ot na ini subong sa kapin dos mil pesos karon nga nagasaka man ang presyo sang produkto petrolyo.

Suno sanday presidential aspirant nga si Senador Panfilo Lacson kag Senate President Vicente Sotto III, dapat matapna ang smuggling sang abono kag ang gina alegar korapsyon sa department of agriculture.

Para naman kay Senator Miguel Zubiri, naga depende ang presyo sang abono sa presyo sang produkto petrolyo amo nga dapat bisan paano matagaan sang dugang nga subsidy ang mga mangunguma, ilabi na ang mga sugar planters.

Sa pagsinapol upod sa mga sugar leaders, ginpahayag man ni Zubiri nga iya na ginhinyo sa Department of Agriculture nga mag tukod sang komprehensibo nga plano agud mapahagan hagan ang pagsaka sang presyo sang abono.

Ang pag produce sang kaugalingon nga organic fertilizer isa man sa ginalauman sang senador nga makabulig sa sugar industry.

Sanday Lacson, Sotto kag Zubiri upod sa katapo sang Partido Reporma ang nagbisita sa Bacolod sang Sabado.

Sila man ang nagpasalig nga suportahan ang pagbalik sang Negros Island Region sa pagpati nga ini ang makabulig sa pagbalik sang pag uswag sang ekonomiya sa pihak sang Covid-19 pandemic.

Leave a Reply

Your email address will not be published. Required fields are marked *

Secured By miniOrangeSecured By miniOrange