Karon nga ginasaulog sang Provincial Wildlife Month, ginpakamaayo nga mag paambit sang mga best practices sa tinutuyo nga ma amligan ang palibot.
Kadungan sa Wildlife Month Celebration ginsakdag ang First Negros Occidental Environmental Partners Conference. Suno kay Atty Julie Ann Bedrio, ang Provincial Environment and Management Officer, ang mga stakeholders ang ginhatagan sang higayon nga ipakita ang mga best practices agudto nga masunod man ini sang iban.
Ang mga talakayan naga lakip sang topiko sa blue environment ukon ang sa coastal kag marine life, brown environment – ukon ang naga tumod sa urban kag green environment nga naga tumod naman sa terrestrial, ridges kag upland.
Mga environment officers sa mga banwa kag siudad lakip na ang mga partners ang nagtambong sa amo nga pagtililipon.