Gikan na sa Disaster Risk Reduction Management Fund sang probinsya ang gingasto para sa ika anum nga wave sang community kitchen sa mga apektado sang bulkan Kanlaon.
Suno kay Negros Occidental Governor Eugenio Jose Lacson, ang 5.8 million pesos para sa 30 diyas nga community kitchen sa mga evacuees sa siyam ka mga evacuation center sa La Castellana, Bago kag La Carlota ang gikan na sa DRRM fund sang probinsya bangud indi na kaigo ang nabilin sa 50 million pesos nga pondo nga ginhatag damlag pa sang Malacanang.
Ang 2.7 million pesos nga bilin sang 50 million pesos suno sa iya ang maga pabilin na lamang kag iga allocate na lang sa lain nga kinahanglanon.
Kasunod sang pag pauli sang mga 1,800 ka mga internally displaced persons sa Cabagnaan sa La Castellana, nag diutay na lamang ang mga bilin nga IDP sa banwa.
Samtang, ginsiling naman ni Governor Lacson, nga karon pa lamang nga panahon na tandog sang probinsya ang DRRM fund sini.
Bisan pa nga may mga pag panghangkat nga dala sang bulkan Kanlaon, may iban nga source sang fund kaangay sang na release sang national government ang nagamit kag ginhalungan ang pag gamit sang DRRM nga pondo labi nga nga yara pa lang sa tunga-tunga sang tuig.
