Isa ka resolution ang ginpasar sang Provincial Peace and Order Council nga nga commend sang local government units sang Negros Occidental sa pag achieve sang 100 percent high performing peace and order council results.
Sa report ni Provincial Director Teodora Sumagaysay sang Department of the Interior and Local Government sa first quarter meeting sang PPOC kag Provincial Anti Drug Abuse Council, ang Negros Occidental kag 31 ka mga local government units sa idalom sang probinsya ang may high performing POC base sa performance audit results para sa 2023 nga gin-release sang 2024.
Sa amo man nga pagsinapol gin-report sang DILG nga 71 sa 601 ka mga barangay sa Negros Occidental ang 2023 Seal of Good Local Governance Passers.
Suno kay Sumagaysay, ang Negros Occidental ang may pinaka madamo nga barangay sa Western Visayas nga SGLG passers.
Sang 20222 dugang pa niya, walo lamang ka mga barangay sa probinsya ang SGLG passers.
Ang SGLG for barangays isa ka pamaagi agudto ma-assess ang performance sang mga barangay kag pamaagi man nga maka kuha sang impormasyon nga sarang magamit sa policy program development sa local kag international government levels.
Ini ang magaserbe isa sa mga basehan sa pag pat-od sang capacity development intervention.