Naka-abot na sa Bacolod ang 398 ka mga ballot boxes nga igatalana sa mga polling precincts sa May 2025 elections.
Ginsiling ni City Elections Officer Atty. Revo Sorbito nga natugyan na sa City Treasurer’s Office ang mga ballot boxes kag mga paraphernalia nga kinahanglan sa pinili-ay.
Indi pa mapat-ud ang schedule para sa delivery sang mga paga gamiton nga Automated Counting Machines kag mismo mga balota.
Samtang, padayon ang masako nga pagpatuman sang COMELEC sang Oplan Baklas kaupod ang PNP, City Engineer’s Office kag DPWH sa pila ka mga lugar sa siudad.
Kaina gin-usoy nila ang Burgos kag Circumferential Road para mapangkakas ang mga illegal campaign materials sa mga poste kag puno sang kahoy sa kilid sang dalan.