Tubtob karon nagapabilin nga gina kahangaw-an sang katapo sang traditional jeepney organization ang pag phase out sang ila mga salakyan.
Gani natalana nga mag sugilanon si Mayor Albee Benitez upod kay Department of Transporation Secretary Vince Dizon para mapat-ud ang mangin kahimtangan sang transport sector sa ginapatuman nga public utility vehicle modernization program.
Luyag sang alkalde nga masiguro nga may yara sang win-win solution enkaso magsulod sa modernization program ang katapo sang transport sector.
Kabahin sa iya gina-recommend ang pag-gamit sang electric jeepney para masiguro ang income sang mga drayber kag operator.
Ginatan-aw man sang alkalde ang iban pa nga pamaagi magluwas sa consolidation kag pagporma sang cooperative agud nga maka pakigbahin ang katapo sang transport sector sa modernization program.