Patay ang motorcycle rider nga si Kenneth Valderama, 26-anyos sang Purok Sago, Brgy. San Juan banwa sang Pontevedra matapos maglapaw ang iya ginadala nga motor sa kurbada sang Umpaog, Brgy. Luna siudad sang Cadiz sang Martes.
Suno sa kay Police Captain Gina Fernandez ang PIO sang Cadiz City PNP, gikan sa Cadiz City si Valderama padulong sa sur nga direksyon sang hinali na lang nga nadulaan sang control sa iya motorsiklo kag naglapaw sa dalan pakadto sa kampo.
Malubha ang mga pilas sang biktima kag ginahingagaw dala sa ospital apang gindeklarar nga dead on arrival.