Nakabaton sang burial assistance gikan sa gobyerno ang mga pamilya sang napatay nga mga gina siling katapo sang NPA sa nagluntad nga engkwentro sa army sang nagligad nga semana.
Si Lt Col Magno Mapalad, III, sang 47th Infantry Battalion ang nag-assist sa mga pamilya.
P10,000 nga assistance nga nabaton sang kada pamilya gikan sa Department of Social Welfare and Development 6.
Magluwas sa cash assistance, gin-sabat naman sang DSWD regional office ang mga balayran sang anum ka pamilya para sa funeral services sang mga napatay.
Yara man si Kabankalan City Mayor Benjie Miranda sa pag turn over ang bulig pinansyal kag aghatag man ang siudad sang cash assistance kag food packs.
Sang tinalikdan nga semana sang natabo ang encounter sa Barangay Tabugon sa Kabankalan. Pero naga siling ang kampo sang mga rebelde nga gin ambush sila kag ang isa ka napatay ang isa ka tricycle driver lamang kag indi NPA.