May kapin sa P61,200 ang bili sang gina patihan shabu ang nakuha sa mag asawa nga Melissa Baron, 39 anyos kag bana sini nga si Ronel Baron, 31 anyos kag isa ka PWD sa Hda. Cumabat 1, Barangay E. Lopez, siudad sang Silay sa ginpatigayon nga buy-bust operation kahapon.
Ang mag-asawa ang pareho ginakabig nga Street Level Individuals.
Suno sa Silay PNP, malawig na nila gina monitor ang mag-asawa kun diin gina gamit nila ang sitwasyon ni Ronel para indi pagdudahan nga may iligal nga transakyon.
Sa ila mismo balay nagakatabo ang transaksyon sa iligal nga droga.
Kapin 9 ka gramo sang gina alegar shabu ang na recover sa ila kag pasakaan sila sang kaso nga paghupot kag pagbaligya sang iligal nga droga.