ng minor explosive eruption Hwebes sang hapon sang bulkan Kanlaon ang sarang nga magtuga sang series sang minor eruption nga maga padulong naman sa major explosion.
Ini suno kay Negros Occidental Governor Eugenio Jose Lacson.
“This could actually lead to a series of minor explosion, leading to the major explosion or eruption. But in the meantime we’re on Alert Level 3. So no movement”, suno kay Lacson.
Dugang pa ni Lacson, “We have to admit, we will never be ready enough especially for that scenario (Alert Level 4). Best effort knowing that the National Government is also there”, suno kay Lacson.
Nag-report ang Philippine Institute of Volcanology and Seismology sang minor explosive eruption sa summit crater sang bulkan las 3:11 sang hapon sang Pebrero 6.
Bangud man sang malain nga panahon halos indi kitaon ang plume nga may 600 metros ang kataason nga nagtuga sang ash fall nga manipis sa Sito Mercedes kag San Luis sa Brgy Sag-ang sa La Castellana.
May paglupok nga nabatian ang mga pumuluyo sang Brgy Yubo sa La Carlota kag Sag-ang sa La Castellana suno sa Phivolcs.
Pero kun ipaanggid suno kay Mari-Andylene Quintia, resident volcanologist, mas mabaskog ang nabatian sadtong December 9 nga explosion.
Dugang pa ni Quintia posible ang kahapon nga explosive eruption ang ginhalinan sang muddy stream flow nga na monitor sa Buhangin River nga naga ilig sa La Castellana kag Moises Padilla.
May na monitor man sila sa social media nga muddy stream flow sa Binalbagan River.
Paathag ni Quintia mas madamo ang water content sang sa volcanic materials kun magsiling muddy stream flow, indi kasubong sa lahar.
Antes ang minor explosive eruption kahapon, pila man ka adlaw nga may significant nga pagnubo sa sulfur dioxide emission.
Padayon ang close monitoring sa bulkan.
Kun may abrupt change ukon gulpi nga pag-bag-o sa mga parameters ehemplo sa ground deformation nga gulpi ang inflation ukon paghabok mahimo maka tuga sang pagsaka sa Alert Level 4.
“Kun continuous na amo ni ang trend sang activity nasa Alert Level 3 lang kita gihapon. Kun ang dalagan sang aton nga data sa monitoring, kun may ara nga abrupt, kumbaga may change kita nga makita, pwede ni siya nga mag trigger nga mag change sa Alert Level 4 and mag expect kita sang isa ka major eruption. Kundi ang aton monitoring parameters, ground deformation, seismicity kag sa gas. Ang ground deformation naton sa subong kumbaga continuous. Nakita naton nga pag inflate ini siya medyo mahinay ang iya nga pag inflate. Kun makitaan naton siya sang abrupt nga change madasig, may change of velocity, pwede ni siya mag lead to more explosive eruption”.