Indi lang mga driver sang traditional jeepney kundi pati mga tricycle driver ang nagareklamu batuk sa pagbyahe sang mga modernized jeep nga regular na nga nagabyahe sa pila ka mga rota sa Bacolod.
Ang katapo sang Panaad Regent Scoreville Terranova Tricycle Operators and Drivers Association naghinyo sa konseho sang siudad nga kuntani mapa-untat ang pag-istambay sang mga modernized jeep sa entrance sang Panaad Park and Stadium nga malapit sa mga subdivision sa Barangay Alijis.
Suno kay Francisco Gonzales, presidente sang asosasyon, ang ginahimu nga terminal sang mga modernized jeep sa lugar ang rason nga nagakawad-an sila sang pasahero.
Kaina isa man ka hearing angut sa amo nga reklamo ang ginpatigayon sang Committee on Transportation sa pagpanguna ni Councilor Al Victor Espino agud matagaan solusyon ang problema.7