Patay ang isa ka mangunguma matapos ini gin luthang sang wala pa makilal-an nga suspek sang kahapon sa Barangay Mahalang sa Himamaylan City.
Ang biktima amo si Domingo Bustillo, 52 anyos.
Suno sa PNP, ang biktima ang naga tadlong lang sa iya gin ani nga mga palay sang hinali na lang siya palapitan sang suspek kag gulpi na lang gintiro nga gintunaan sang iya kamatayon.
Tatlo ka fired cartridge sang calibre .45 nga armas ang na recover sa crime scene. Away sa duta amo ang gina tan-aw motibo sang PNP sa pagpatay kay Bustillo.