Wala pa man gin suspend sang Inter-Agency Task Force ang mga pribilihiyo para sa fully vaccinated, napatuman sang Bacolod ang Executive Order No. 38 kag 42 nga naga require sang negative RT-PCR result para sa mga pasahero nga nagabyahe pasulod sa siudad bisan pa sila ang fully vaccinated na.
Kinahanglan man magpaidalom sa 14-day quarantine sang mga fully vaccinated kun sila ang mag positibo sa Covid-19.
Gin suspend sang IATF ang mga pribilihiyo samtang indi pa ma consolidate ang records sang fully vaccinated sa Department of Information and Communications Technology.
Suno kay Dr. Chris Sorongon, deputy for medical data and analysis sang Bacolod Emergency Operation Center, magluwas sa pagdumili sa leisure travel ilabi na sa mga pasahero gikan sa panay island, gin require man sang siudad ang mga apor ukon authorized person outside residence sang negative RT-PCR test.
Indi man abi garantiya suno sa iya nga indi malatnan sang virus ang fully vaccinated na.
Sang nagligad lang nga semana, may trese tanan ka mga APOR ang nagpositibo sa Covid-19 makaligad gin swab test sa ila pag abot sa BREDCO.
Tungod sini ginahinyo karon sang EOC ang tanan nga government APOR nga magpaidalom sa swab test kag antigen test naman para sa mga drayber sang essential goods.
Ini samtang ginabalay pa ang ammendment para sa natukod nga EO 42 nga nagapatuman sangas hugot nga border kag travel restrictions agud mapunggan ang pagsulod sang Covid-19 Delta variant.