Nag lab-ot na sa masobra 99% sa karon ang mga PDL ukon person deprived of liberty sa Metro Bacolod District Jail ang nabakunahan na batuk sa Covid-19.
Ini pareho sa MBDJ Male Dorm sa Barangay Taculing kag Barangay Handumanan lakip na sa Female Dormitory.
Suno kay Atty Jairus Dogelio, spokesperson sang BJMP Region 6, ang nabilin nga porsyento sang mga PDLs nga wala mabakunahan amo na lang ang mga inmate nga indi luyag mag pabakuna.
Sa karon, ang MBDJ wala na sang inmates sa sulod sang MBDJ ang positibo sa Covid-19 suno kay Dogelio.
Pero may yara naman sang 20 ka bag-o nga kaso sang Covid-19 ang BJMP sa bug-os nga Negros Occidental pero tanan ang mga newly comitted ukon wala pa makasulod sa jail facility.
Samtang, naglab-ot naman sa 346 ka mga miyembro ukon officers sang BJMP Negros Occidental ang nakabaton na sang bakuna.
266 ang fully vaccinated na samtang 80 naman ang naga hulat na lang sang ila nga second dose.