Shadow

Mga plastic barrier sa mga depasahero nga jeep ipa kakas na, mga drayber naga kalipay

Wala pa maka bati sang balita ang ini nga mga drayber sang Mansilingan Central Market nga rota nga ipa kakas na ang mga plastic barrier sa depasahe nga mga salakyan.

May sugilanon nga naga lapta na suno sa ila pero kun matuod gid man ini, para sa ila ini na ang sabat sa ila nga reklamo kag penitensya.

Parehos na lang kay Jun Villaganas, sang wala pa naga sunod sunod ang saka sa bili sang krudo maka patughong siya sang katro siyentos pesos sa kada adlaw. Pero subong naga otso sientos na siya sa kada adlaw.

Dos siyentos pesos ukon wala gid siya may mapauli kun kis-a.

Gani para sa iya, dako nga bulig nga makakas na ang mga barrier, bisan indi na mapatuman ang saka sa plete nga ila gina pangayo.

Suno kay Amado Carbelido naman nga isa man ka drayber, sunod sunod ang gina pas-an nila… Halin sa mga plastic barriers pakadto sa saka sa bili sang krudo. Ga sugod na siya gani kuno biyahe
Las kwatro sang kaagahon tubtob las diyes kun gab-i para lang may mapauli pa sa iya nga pamilya.

Subong nga adlaw may treinta sentimos nga roll back sa diesel pero para sa mga drayber, ahaw ahaw lang ini sa gina saka sa kada semana.

Sumugod nobyembre kwatro ipakakas na ang barrier suno sa dotr bangud wala man sang medical findings nga naga siling nga maka pugong ini sa paglaton sang Covid-19 kag basi mahimo
Tiniran lang sang virus kun indi adlaw adlaw gina tinluan ilabi na nga himo ini sa plastic.

Gina abe abi naman sang bacolod eoc ang ini nga tikang pero dapat sa gihapon naka mask kag face shield ukon googles ang mga pasahero kag drayber.

Leave a Reply

Your email address will not be published. Required fields are marked *

Secured By miniOrangeSecured By miniOrange