Nakalab-ot sa igtalupangod sang siudad ang reklamo tuhoy sa mga empleyado nga nagawaslik puder sa mga ilimnan kag kalan-an sa Bacolod.
Ginkumpirmar ni Bacolod City Administrator Atty. Mark Steven Mayo, nga may isa tubtob duha ka empleyado ang imbolbado sa amo nga insidente.
Nagpamalibad naman siya nga maghatag sang dugang nga detalye may angut diri bangud nagapadayon pa ang pagpang-usisa sang City Legal Office sa amo nga reklamo.
Sa flag raising ceremony, ginpaandaman na ni Bacolod City Mayor Greg Gasataya ang mga empleyado sang siudad nga likawan ang pagpamentaha sa mga ilimnan kag kalan-an.
Suno kay Gasataya, wala man sang problema kun mag inom-inom ang mga empleyado kun magtapos na ang ila duty hours, apang pangabay niya nga indi lang nila pag-gamiton ang pangalan sang siudad agud mag palibre.
Nagabayad sang tax kag mga tinawo ang mga negosyante suno kay Gasataya, kag wala sang kinamatarong ang mga empleyado sang siudad nga magpa libre.
[sibwp_form id=1]