Nagpadulong sa Moises Padilla PNP ang pamilya sang college student nga si Deserie Tadena para ipabalo nga indi na sila magpasaka sang kaso batuk sa tiyo sang ila nga anak.
Ini ang ginkumpirma sang deputy chief sang Moises Padilla PNP nga si Police Lieutenant Arnolfo Robles.
Dugang pa ni Robles ginsiling sang pamilya nga indi man hungod ang natabo.
Damlag pa gin-alegar sang tiyo nga nanaog lang siya sa motor para magpangihi sang makita niya nga may nagsipa sa motor nga gina pungkuan sang iya hinablos gani natumba ini kag nalampos ang ulo sa dalan.
Pero may pagduda ang PNP sa iya statement. Suno sa pulis, posible nga self-inflicted ang natabo nga pagkatumba sang motor.
Nakit-an nga may mga bagras sa kamot ang tiyo kag nag-ako man ini nga naka inum sang matabo ang insidente.
Pero bukas ang PNP enkaso nga mag kambyo ang pamensaron sang pamilya sang biktima.