May masobra sa 400 ka mga kapulisan gikan sa Police Regional Office 6 ang nag-abot na sa Bacolod City agud mag bulig sa pagbantay sang seguridad sang ika 47 nga MassKara Festival.
Ginsiling ni Bacolod City Police Office Director Colonel Eugene Rebadomia, nga 960 tanan ang igadugang nga pwersa sang PRO 6, apang ang iban sa October 10 pa maabot.
I-assign ang mga kapulisan sa mga mayor nga festival sites kaangay sang Bacolod City Public Plaza kag BCGC.
Nagpahanumdum man si Rebadomia sa mga augmented police nga indi sila pwede mag-inom sa mga festival sites kag sigurohon nga ila halongan sang maayo ang ila mga armas.
Ginahaylo man niya ang mga kapulisan nga likawan ang pag-gamit sang cellphones samtang naga bantay sa palibot magluwas nalang kun kinahanglanon.
Sa una nga semana sang selebrasyon, wala pa sang may na report nga mga insidente sa mga festival sites suno kay Rebadomia.
Ginadumilian ang pagdala sang backpack kag mga matalom nga mga bagay sa sulod sang mga festival sites.
[sibwp_form id=1]