‘Be more compassionate”. Ini ang panawagan ni Negros Occidental Governor Eugenio Jose Lacson sa mga sugar traders sa tunga sang manubo nga mill-gate price karon sang kalamay.
Yara sa P2,600 per 50 kilogram bag ang mill-gate price nga suno sa Sugar Council kag labor groups pierde.
Suno kay Lacson indi man ma pwersa ang mga traders nga magbakal sa presyo nga gina duso. Naga laum na lamang ang gobernador nga kuntani mahangpan na man lang nila ang sitwasyon.
Ang Sugar Council kag pila ka mga labor groups ang naga duso sang baseline mill-gate price nga P2,900 per 50 kilogram bag para man kuntani tigayon sila nga maka bawi sa tunga sang pagsaka sang production cost kag pag nubo man mismo sang production.
Suno kay Lacson damlag pa gani nag siling siya nga naga laum siya sang P3,000 per 50 kilogram bag nga presyohanay.
Sa tunga sang mga pag panghangkat sa industriya suno kay Lacson nalipay siya sa gina pakita nga pag hugpong sang mga sugar leaders.
[sibwp_form id=1]