Sini nga semana ginapaabot sang Kapitolyo Probinsyal ang resulta sang confirmatory test sa mga empleyado nga nag positibo sa mandatory drug test nga ginpatigayon sini nga Oktubre.
Sa inisyal nga resulta ginsiling ni Governor Eugenio Jose Lacson, 14 ang nag positibo sa pag gamit sang iligal nga droga. Ang resulta ang ginpadala sa Department of Health para sa confirmatory test.
Ginsiling sang gobernador nga ang mangin aksyon nga ipatuman nila ang maga depende sa mangin resulta sang confirmatory test.
Suno kay Lacson kun regular nga empleyado ang mag positibo sa gihapon sa confirmatory test, sa idalom sang Civil Service Commission ini siya ang sarang nga mahatagan sang tsansa kag mag paidalom sa drug rehabilitation.
Kun job order ukon casual ang empleyado nga nag positibo sa gihapon sa confirmatory test sila ang makakas sa serbisyo.
Halos 2,000 ka empleyado sang Kapitolyo ang ginpaidalom sa amo nga drug test sang una nga semana sang Oktubre.
Ang pag patuman sang mandatory drug testing kabahin sang kampanya para sa isa ka drug free work place.
[sibwp_form id=1]