Nakaangkon sang malubha nga pilas ang duha ka mga persona sang nagkarambola ang duha ka salakyan kag duha ka tricycle sa Araneta Highway-Bangga Baybay sakop sang Purok San Roque, Barangay Tangub sa Bacolod City, Miyerkules, sang kaagahon.
Nagwa sa imbestigasyon sang Traffic Enforcement Unit, padulong sur sang dalan Araneta ang Toyota Avanza nga taxi, ginamaneho sang 47-anyos nga lalaki sang gin-arado sini ang naka-park nga Toyota Vios nga awto.
Bangud sang impact, nag-domino effect kun diin nag-abanse ang awto kag na-igo ang Motostar nga tricycle nga nagbunggo man sa Honda nga tricycle.
Gin-alegar natulogan ang driver sang taxi nga yara sa impluwensiya sang makahulubog nga ilimnon.
Napilasan ang lalaki kag babaye nga sakay sang awto.
Gindala sa Station 8 ang driver sang taxi.
[sibwp_form id=1]