Dengue deaths sa Negros Island Region ang nag dangat na sa 27 humalin Enero tubtob September 19 sini nga tuig.
Sa kasubong nga tion sang 2025 ang dengue deaths ang yara lamang sa 19. Mas mataas ukon nadugangan sang walo ka dengue deaths subong nga tuig.
Sa datus sang DOH NIR – ang Bacolod City ang may yara sang lima ka recorded dengue deaths, ang Negros Occidental 16, Negros Oriental 6 kag wala naman sang may na record nga dengue death ang Siquijor.
Paathag ni Adrian Hort Ramos, ang Assistant Regional Director sang Department of Health NIR, isa sa rason sa dengue deaths amo nga ulihi na sila nag padulong sa mga bululngan.
Ang iban naman sa ila ang nag kumpiansa nga ang gina batyag ordinaryo lamang nga kataro.
Gani naga pahanumdom ang DOH nga kun naga lain ang pamatyag labi na may hilanat sa sulod na sang tatlo ka adlaw mag pa konsulta.
Pero, suno kay Ramos, ang dengue cases sa rehiyon kun ipaanggid sa 2025 ang mas manubo sa 33 percent. Humalin Enero tubtob September 19, ang dengue cases nagdangat sa 4,972.
Padayon ang kampanya sang DOH para sa matinlo nga palibot para mapamatukan ang balatian nga dala sang lamok.
“Ang mga reported cases ni naton sa dengue especially ang gina admit sa ospital late ang admission. Actually sa mga previous ta na experience last year nga gin discuss ta man ni ngaa dengue death, kalabanan nga observation subong sa aton sa local government level, daw naga salig nga daw ordinary flu or lain matyag. Pero tani ang aton gid ya nga gina pangabay sa pumuluyo sa mga ginikanan, mismo sa pasyente nga adults nga naka batyag sang lain pamatyag pag mag 3 days ang aton hilanat kag lain gid ang pamatyag kadto gid dayon sa nearest nga health center sa aton primary care facility para ma assess sang doctor,” suno kay Ramos.
[sibwp_form id=1]