Natapos na ang pagpanagtag sang Department of Social Welfare and Development Negros Island Region sang ayuda sa 3,296 ka mga sugarcane farmers kag laborers sa siudad sang Bacolod nga apektado sang Red-Striped Soft Scale Insect ukon RSSI nga peste sa tubo.
Masobra sa 30.5 million pesos ang pondo nga ginpa-in sang DSWD para sa Bacolod City.
Ang tagsa ka benepisyaryo ang nakabaton sang 10,325 pesos nga financial assistance paagi sa Emergency Cash Transfer.
Sang Sabado may 1,504 ka mga farmers ang nakakuha sang assistance samtang nag nabilin naman ang ginhatagan sang Domingo.
Ginsiling ni Bacolod Department of Social Services and Development Head Richelle Verdeprado-Mangga, nga naglabay sa verification sang City Agriculturist Office kag Sugar Regulatory Administration ang listahan sang mga benepisyaryo.
[sibwp_form id=1]