Gin-suspend subong nga Lunes, Oktubre 12 ang klase sa isa ka eskwelahan sa Bago City, Negros Occidental matapos ang pagpamahog sang gin-alegar estudyante nga indi kumporme sa school policy.
Pila ka mga ginikanan ang nagsugat sang ila mga kabataan sa nasambit nga eskwelahan.
Gin-post sa official Facebook page sang eskwelahan ang pagpamahog sang estudyante nga nagareklamo sa schedule sang buhi bangud tubtob lang las 3 sang hapon ang ila klase apang magabukas pa ang gate las 4:30 sang hapon.
Suno sa nag-post nga account, malayo pa ang ila balay kag madamo pa ang ila obra sa panimalay.
Ginahibalo pa karon ang identity sang estudyante nga nag-post.
Suno sa administration sang eskwelahan, una na nga nakasugtan sang mga ginikanan ang nasambit nga policy para sa safety sang mga estudyante apang bangud sang insidente, ila liwat ini nga iga-review.
Nagpahamtang ang Bago PNP sang Special Weapons and Tactics personnel nga maga-ronda sa eskwelahan kag palibot sini, samtang gina-trace na sang PNP Anti-Cybercrime Group ang account nga nag-post.
[sibwp_form id=1]