Shadow

Loan nga wala sang interest para sa mga nagsirado nga magagmay nga negosyo tuga sang pandemic gina tanyag

Wala sang interest kag wala sang collateral, ini ang gina tanyag nga loan para sa mga Micro, Small Medium Enterprises ukon SMES sang Small Business Corporation ukon SBCORP sa idalom sang Department of Trade and Industry.

Suno sa kay Azel Solano, spokesperson sang Small Business Corporation, halin sa diyes mil pesos tubtob lima ka milyon ka pesos ang sarang ma loan sa sbcorp sang isa ka negosyante, depende sa iya existing assets.

Tanan nga klase sang negosyo ang pwede magluwas na lang sa mga naga promote sang bisyo. Sarang mabayaran ang loan sa sulod sang apat ka tuig, ang una nga tuig ang mangin grace period ukon wala ka anay sang bayaran sa utang para maka bawi ang negosyante.

One time service fee lang ang bayaran sang luyag mag avail sang loan. Ini pinaagi sa Bayanihan Cares program.

Online ang application sa sini nga loan, mag ubra lang sang account sa www.bayanihancares.ph*

Leave a Reply

Your email address will not be published. Required fields are marked *

Secured By miniOrangeSecured By miniOrange