46 anyos nga lalaki patay sang ginlampusan sang metal cutter sang anay live-in partner sang iya man anay nga kahagugma. Nasapwan na lang sa higad sang dalan si Ritchee Castro sang mag-angkon sang pilas sa ulo sa Barangay Handumanan kagab-i.
Sa pagpang-usisa sang katapo sang Police Station, ang biktima ang ginlampusan sang metal cutter sang electrician nga si Genny Medel nga iya nakaaway.
Si Medel ang anay live-in partner sang anay kahagugma man sang biktima.
Suno kay Police Capt. Lelanie Lagoting, commander sang Police Station 10, naabtan sang biktima nga naga-inaway ang suspek kag ang anay kahagugma nga nagabusong amo nga nagpatunga siya. Resulta nga sila naman ang naglab-ot sang suspek nga amo ang naghampas sa iya sang metal cutter sa ulo.
Nag-gwa pa sa pagpang-usisa sang kapulisan nga malawig na nga wala sang paghangpanay sa tunga sang biktima kag suspek nga amo ang ginapatihan kabangdanan sang ila pag-inaway.
Nagsurrender na ang suspek sa pulis. Pasakaan siya sang kaso nga homicide.