Nagsaka sa 16.4 million pesos ang kahalitan sang El Nino Phenomenon sa mga kasapatan kag pastuhan sa probinsya.
Sa report sang Office of the Provincial Veterinarian kay Negros Occidental Governor Eugenio Jose Lacson as of May 10, may 14,598 ka mga kasapatan ang nagkalamatay bangud sang epekto sang kainiton dala sang El Nino phenomenon.
Kalabanan sa nagkalamatay mga .manok. 13.7 million pesos ang kahalitan nga natuga sa livestock. 1,139 naman ka mga raisers ang apektado.
Sa pastuhan naman2.6 million pesos ang ginreport nahalitan. Pinaka malapad nga apektado nga pastuhan ang sa Hinigaran – 100 hectares.
Padayon ang pahanumdom sang Office of the Provincial Veterianarian sa mga farmers labi na ang sa poultry nga indi pag i-overpopulate ang mga balayan sang manok, hatagan sang tubig sa tana nga tion kag bitamina ang kasapatan kag indi pag pabay-an kag ibutang sila sa handong nga lugar.