Nangin maduguon ang isa ka birthday celebration sa Barangay Gil Montilla sa syudad sang Sipalay kagab-i.
Ini matapos ginluthang sang utod sang naga saulog sang birthday ang isa sa nagtambong sa party nga si Marvin Amalla.
Suno sa PNP, nahagad lang ang biktima sang iya sini abyan nga may birthday ugaling bangud sang kadamuon sang nainom, nag maoy ini.
Didto kag naling-an suno sa pulis si Ryan Bandiola nga utod sang birthday celebrant, kag iya gin tiro si Amalla nga nag resulta sa iya sini kamatayon.
Nadakop man sang PNP ang suspek. Natukiban man nga si Bandiola ang may pending pa nga warrant of arrest sa kaso nga murder sang tuig 2020.
Detained karon si Bandiola kag panibag-o nga kaso nga homicide ang ipasaka batuk sa iya.