Shadow

Pang-agaw sang duta isa sa rason sang NPA sa ila pagpatay sa mangunguma

Pag pang-agaw sang duta kag involvement sa army, ginasiling sang New People’s Army nga rason sa ila nga pag patay sa mangunguma sa Ilog.

Gin ako sang NPA sa ila nga gin pagwa nga statement, ang ila nga pag patay sa tag-iya sang duta nga si Silas Granada, sang Sabado sa Barangay Pinggot sa Ilog.

Si Granada ang yara sa ila nga balay sang siya ang gin pa gwa kag gin luthang sang mga armado nga persona.

Suno sa NPA, ila ginpatuman ang silot kamatayon batuk kay Granada nga ila gina kabig intel sang army.

Dugang pa sang NPA, si Granada ang naga pang-agaw man sang duta kag pila ka mga pumuluyo sa lugar ang nawad-an sang kadutaan kag palangabuhian.

Gin dugang pa sang NPA nga gin agaw lang man ini nga duta sang iya nga amay nga gina alegar gin patay man sang rebelde nga grupo sang dekada 70.

Ang PNP ang padayon nga naga imbestigar sa karon lakip na diri ang mga pangalan nga damlag gin hatag sang biktima antes ini ginpatay.

Secured By miniOrangeSecured By miniOrange