Anay maestro ginbaton ang desisyon sang Ombudsman batuk sa reklamo nga iya gin-file kontra sa duha ka opisyales sang Barangay Tangub, sa Bacolod. Ginsiling niya man nga handa siya sa resbak ni Kap Noli Villarosa.
Natingala ang anay maestro nga si Candido Medalla kun ngaa mas madasig ang paglubag sang desisyon sang Ombudsman sa iya ginpasaka nga reklamo batuk kanday Barangay Tangub Punong Barangay Noli Villarosa kag Kagawad Jose Ray Pendon.
Suno sa iya Oktubre sang iya mabaton ang dismissal order kag suspension order nga separado nga gin papanaog batuk kay Villarosa kag Pendon angut sa kaso nga grave misconduct kag simple misconduct nga iya ginpasaka.
May kaangtanan ini sa pag-guba sang bahin sang iya pader nga nalakip sa iya private property sang ginpatuman ang clearing operation sang barangay sang 2020.
Disyembre naman sang nag-file sang appeal ang legal counsel sang mga akusado nga si Atty. Caesar Distrito.
Tubtob nga nag-pa gwa sang desisyon ang Ombudsman for the Visayas sini nga Enero 9 nga naga-grant sang motion for reconsideration sang mga akusado.
Para kay Medalla mabudlay pero nabaton niya ang nangin desisyon. Handa man siya sa plano ni Villarosa nga pag-file sang counter-charges batuk sa iya.