Kampanya kontra child sex trafficking ginapabaskog sa bulig sang women organization sa Bacolod. Nagalab-ot sa 1.2 million ka mga kabataan sa kalibutan kadam-an diri mga babaye ang biktima sang sex trafficking sandig sa data sang Called for Rescue International.
Ang Pilipinas nga nalakip sa red zone ang nakabig man numero sa bahin sang online child sex trafficking.
Ginsiling ni Anthony Pangilinan, presidente sang Called for Rescue Ph nga dako nga kabudlayan ang pagtapna sang child sex trafficking cases tungod sang social media penetration, kapigaduhon, kakulang sang istrikto nga pagpatuman sang legislation kag mga pagpamahug gikan sa mga sindikato nga yara sa likod sang child trafficking.
Pero nagapati siya nga sa bulig sang civic sector, mga women organization, mga local government unit kag kabarangayan sarang maluwas ang mga biktima sang child sex trafficking.
Sa seminar upod man sa katapo sang Sectoral Affairs Office ginpatpat sang rescue organization ang responsibilidad sang komunidad para matapna na ang pag abuso sa mga magagmay nga kabataan.