Pagbakuna sang mga kabataan nga naga-edad 0-12 moths old pabaskugon sa kabarangayan.
Nagapabilin nga manubo ang kadamuon sang fully immunized children nga naga-edad 0-12 months old sa Bacolod.
Sa record sang Department of Health 6 may 59 percent pa lamang sang child population sa siudad ang kumpleto na sa bakuna, nalakip diri ang para sa polio, measles kag rubella kag iban pa.
Gani ginduso ni Councilor Celia Flor, pamuno sang Committee on Women, Gender, Family and Child care sang konseho nga dapat mangin aktibo ang mga barangay health workers agud nga mapabaskog pa ang immunization program upod sa katapo sang City Health Office.
Nagapati ang konsehal nga isa man sa mga kabangdanan sang pagnubo sang nagapabakuna amo ang kahangawa man nga natuga anay sang Dengvaxia Vaccine.
Tinutuyo sang siudad nga paagi sa pagpabaskog sang immunization program malab-ot ang ginahandom sang Bacolod LGU nga mangin Child-Friendly city.