Grassfire ginkaalarma sang pila ka mga empleyado sang mga bodega sa reclamation area sa Bacolod. Napoog sang aso ang pila ka mga pamalay sa Barangay 10 sa reclamation area sang nagluntad ang grassfire sa isa ka bakante nga lote kaina sang aga.
Naglab-ot ang aso pati sa mga kaiping nga bodega, mga commercial establishment pati na sa malapit nga mall.
Iban sa mga empleyado nag ginuha na sa ila gina ubrahan nga bodega tuga sang kaalarma.
Samtang masako nga ginapalong sang mga bombero ang kalayo, may mga lalaki nga nagbulig basya sang tubig agud maluwas ang ila mga hayob-hayob sa kilid sang kampo.
Gina usisa pa sang Bacolod Bureau of Fire Protection ang ginhalinan sang kalayo.
Sang nagligad lang man nga semana sang nagluntad ang grassfire sa amo man nga lugar matapos naglapta ang kalayo halin sa gintutdan nga basura.